Nusret Gökce, i njohur si Salt Bae (dashnori i kripës), e punëson një kuzhinier për të blerë artikuj të shtrenjtë të menusë në postin e tij në Londër për 16 dollarë në orë.
AFP përmes Getty Images
Tani, kjo është e kripur.
Nga Samantha Ibrahim – NYPost.com, 2 nëntor 2021 – Pērktheu Arben Çokaj
Nusret Gëkce, i njohur gjithashtu si Salt Bae (dashnori i kripës), e punëson një kuzhinier për të prodhuar artikuj të shtrenjtë të menusë si biftekët Golden Giant Tomahawk, që kushtojnë 1,975 dollarë (1,450 £) për 16 dollarë në orë.
Kuzhinieri i famshëm është në kërkim të një Chef de Partie për biftekun e tij të famshëm në Londër, Nusr-Et, dhe i ofron rolin e shefit të stacionit me vetëm 16 deri në 18 dollarë në orë (12 deri në 13,50 £ në orë), plus bakshishe, për shërbimin e tyre. Kjo pagë është e barabartë me një pjesë të puresë me patate ose misër të ëmbël në restorantin e modës, sipas Daily Mail.
Vendi i punës u postua në caterer.com dhe vërehet se restoranti “ofron një pagë shumë konkurruese“.
“Mundësi e mahnitshme për një shef me përvojë De Partie për t’iu bashkuar ekipit të Nusret në restorantin e ri në Londër,” thuhej në postim. “Si një kuzhinier De Partie, ju do të punoni me disa nga përbërësit më të mirë nga Britania e Madhe dhe jashtë saj, në një prej shtëpive të biftekut më të famshme në botë.”
Faqja vazhdoi, “Ju do të luani një rol jetik në një ekip të madh dhe do të mbështesni Shefin e kuzhinës gjatë shërbimit. Kandidatit të suksesshëm, Nusret London ofron një pagë shumë konkurruese dhe mundësi të shkëlqyera për të zhvilluar një karrierë globale.”
Nusr-Et London në Knightsbridge ofron një Burger të Artë për 136 dollarë (100 £), Golden Giant Striplion për 1,839 dollarë (1,350 £) dhe Golden Kafe për 681 dollarë (500 £).
Getty Images
Pas hapjes në shtator, Nusr-Et London në Knightsbridge u kritikua shumë për çmimet e tij të egra, të cilat përfshijnë ëmbëlsirat 34 dollarë (25 £), soda 12 dollarë (9 £), një Burger i Artë për 136 dollarë (100 £), Golden Giant Striplion për 1,839 dollarë (1,350 £) dhe Golden Kafe për 681 dollarë (500 £), siç theksohet nga The Sun.
Gökce, 38 vjeç, u bë viral në vitin 2017, kur u shfaq një video e tij duke hedhur në mënyrë të jashtëzakonshme kripë në një fetë bifteku. Restoranti ka rritur markën e tij me 38 milionë ndjekës të mediave sociale dhe ka hapur 17 restorante në të gjithë globin.
Lista A si DJ Khaled, Leonardo DiCaprio dhe David Beckham kanë vizituar shtëpitë e tij të biftekut, për t’u ngopur me kripë dhe hekur.
Në gusht, Gökce dhe zinxhiri i tij i biftekëve u paditën për gjoja mbytje të pagave të punëtorëve. Pesë burra të skarës ngritën padi në qytetin e Nju Jorkut dhe pretenduan se Gökce u refuzoi atyre pagesën jashtë orarit. Të gjithë burrat pretenduan se merrnin një pagë javore prej 1,125 dollarë dhe punonin mbi 70 orë në shtatë ditë.
Padia pretendonte se burrat e skarës kryenin detyra të tjera të rëndomta si: “heqja e mbeturinave, larja e enëve, pastrimi i kapakut të sobave, pastrimi i tualetit, përgatitja e vakteve speciale për menaxherët dhe Gökce kur ai ishte i pranishëm dhe kryenin detyra të ndryshme dhe blinin produkte kur kishte mungesa në restorante.”
Salt Bae (dashnori i kripës) u padit më parë në prill, kur u godit me një padi prej 5 milionë dollarësh, për shkelje të së drejtës së autorit nga artisti i Brooklyn-it, William Hicks, i cili pretendoi se shefi i kuzhinës vodhi veprat e tij artistike dhe i përdori ato pa leje.
