Telegrafi.com, 13.04.2015
Hafiz Gagica nuk e mohon mundësinë e kandidimit për kryetar të LDK-së. I ftuar në emisionin politiko-satirik “RRokum Roll” me Fidan Jupollin, në Televizionin Rrokum, ai ka rrëfyer për shumë gjëra duke filluar prej kontributit të diasporës, kandidatit të dëshpëruar prej deputetit, kohës së Rugovës, fraksioneve brenda LDK-së e shumë gjëra të tjera.
Gagica ka theksuar se diaspora ka kontribuar për një Kosovë të lirë dhe t pavarur, duke shtuar se ata presin një vend më të mirë.
Ai tha se nuk është inkuadruar aktivisht në politikë ngase një kohë ka qenë i sëmurë, pastaj ka ndodhur ndarja LDK-së, ku nuk dihej se kush do të mund ta zëvendësonte Irahim Rugovën.
Tha se ishte i dëshpëruar edhe me vjedhjen e votave në Kosovë, duke shtuar se kur ka konkurruar si deputet, iu kanë vjedh votat.
Gagica ka theksuar se nuk e di se Rugova ka lënë ndonjë testament, por i beson deklaratës së Fatmir Sejdiut ngase ai ka qenë Sekretar i tij për shumë vite.
Aktivisti i LDK-së e ka quajtur mosbesuese Kryesinë e Lidhjes Demokratike sa i përket koalicionit me PDK-në, duke shtuar se ka zhgënjime me një veprim të tillë.
Ai ka theksuar se shumica e anëtarëve të LDK-së janë për ndryshime, por kryesia e saj nuk ka dhënë ende shenja se po shkon drejt atyre ndryshimeve.
Gagica ka theksuar se tash për tash nuk ka ambicie të jetë kandidat për kryetar të LDK-së, por nuk e ka përjashtuar mundësinë që këtë ta bëjë në të ardhmen . Ai ka theksuar se kryetari i tanishëm i LDK-së është i lodhshëm me udhëheq me LDK-nën duke shtuar se edhe ai madje e ka këtë të qartë.
Sipas tij, besimi ndërkombëtar i Kosovës është zbehur shumë.
Ai tha se qytetari i Kosovës është lodhur dhe ka nevojë për një jetë më të mirë.
Derisa për fraksionet në LDK, Gagica ka theksuar se ka dhe krijohen hapësira edhe me emërimin e zv.ministrave apo drejtorëve. “Ky është një sinjal mjaft i keq. LDK ka nevojë t’i nënshtrohet një procesi të mirëfilltë demokratik”, tha ai.
Për Isa Mustafën tha se s’ka qenë kurrë anëtar i Lidhjes Demokratike të Kosovës, por ka qenë ministër. Tha se Mustafa nuk ka dhënë shenja se ai mund të bëjë ndryshime në LDK, por edhe për qytetarët e saj.
“Mustafa bëri koalicion me PDK-në pa e pyetur askënd”, tha ai, duke potencuar se Isa Mustafa nuk duhet të kandidohet më për kryetar të LDK-së, “ngase nuk ka dhënë shenja se mund të japë ende kontributin në LDK”.
Sipas Gagicës, LDK duhet t’i zgjidhë problemet brenda vetes, duke shtuar se ai nga zgjedhjet e LDK-së pret një lidership më serioz nga baza deri në krye. /TV Rrokum/
Ne të gjitha organizimet, ke qene perçares. Me te gjitha forcat je mundue me rrenue qysh në fillim të themelimit me njefare Fondi te Ahenit, Fondin e Pergjithshem te Republikes se Kosoves.
Pastaj je munduar me fut sherr ndermjet dr. Ibrahim Rugoves dhe Dr. Bujar Bukoshit, se kinse ky i fundit nuk po e financon Presidencen, pa sqaruar që njerez rreth Presidences ia kane ba 1 mije të kqija dr. Ibrahim Rugoves, qe padijenin e Tij, kane vjedhur e abuzuar postersisht me parane e popullit.
Nje hap nuk e ke qitur pa pagese, madje edhe te majme. Thirresh ne organizim te celulave te para te UÇK-se, dhe dergimin e pjestareve te tyre në Shqiperi. Kurre nuk ke sqaruar pse duhej të ndodhte shperndarja, por i ke lene ata te rinj rrugeve pa strehë dhe pa buke. Bile perpara tyre je prezantuar me identitet te rrejshem.
Rri ne habitatin tend atje ku je. Leshojuni udhe te rinjve me disa gjuhe te huaja dhe pergaditje te shkelqyeshme. Bajeni Ti dhe Isa pleqerine Tuaj, si pleq. Mos e mendoni Kosoven sikur para nje shekulli. Deshtaket nuk i do ne udheheqje as katundi i vet e lere me shteti.
Komentet janë mbyllur.