NGA KALOSH ҪELIKU
Sot me siguri në dorë
më ka marrë Xhadia
Po. Nuk e di çfarë dite jemi, Sot:
Jave. Muaji. Viti. Apo, shekulli?!
Cili sistem: komunist. Apo, politik?!
Përderisa, rrugëve Shkupit i çmendur
E kërkoj Ditën. Edhe, Natën e Madhe.
Po. Vërtetë, nuk e di. Është, Ditë
Apo, Natë: Me Zogkeqin, mbi Ҫati…
Nuk ke të drejtë “patriot”
partiak edhe Sot “kuqezi”
Nateditë, kërkon drejtësi. Dhe, Liri
Po, ajo nuk merret në rolin e argatit.
Lypës partiak, vite te “Ura e Gurit”
Partizanë, partiak. Hero “kuqezi”.
Liria, kërkon burra tjerë mejdani
Që, as Ditën. As Natën, si zë gjumi.
Ditën, i ke këmbëkryq: te Katundi.
Nuk ke të drejtë, Sot: ngresh zërin
“Kuqezi”, te Pragu të ka zënë gjumi…
Thesi i kanapit Sot si Dje
nuk arnohet me arna
Kalemxhi katundi, Dje. Dhe, Sot
Ende, nuk dolët burra përmejdani:
Përpiqeni shkrimet, arnoni me arna.
Po, e keni kot. Letërsia, egërsohet:
Poezia. Proza. Dhe, librat Ujqër.
Nuk janë, Sot: Thasë kanapi
Nuk, arnohen si Dje, me arna..
Përderisa shi i madh
bie mbi Qershi
Përdrisa, shi i madh bie mbi Qershi
Unë, rrokem fytas me Natën:
Zogkeqin. Që, më këndon mbi Ҫati.
Edhe, i shkrep vargjet në poezi.
Babai, Zogkeqin e përzente me pushkë
Unë Sot, në vend pushkës: shkrep poezi…
BURRI I TRI GRAVE
Në jetë, i pata Tri Gra Engjuj
Njëra më printe para Rrugës:
E, Dy të tjerat mbanin përkrahu.
Gji më dhanë me Dy shtama verë:
Ringjallën nga Zonja Vdekje në Korçë.
Pasmesnate, në Përrua. “Qafë-Thanë”.
Gji më dhanë: Dy shtama verë. Poezi…
Pasmesnate ika në Prishtinë
dhe u njoha me Lady Di
Gjatë, Manifestimit Kulturor pas lufte (1999)
I them mikut tim besnik F. C. (Organizatorit):
Sonte, nuk do të flej gjumë në Kaçanik.
Stërgjyshi, ku nëntë sahat u therë me thika
Po, do ikë në Prishtinë. Studime. Jetë, Nate.
Miku, im: F. C. Në rregull, më thotë: Kujdes
E, ke të rezervuar Hotelin, mik në Kaçanik.
I përgjigjem: Sonte, dalë kaçak në Prishtinë
Jetë Nate. Nëntë sahat, të therem me thika!
I hip Gjokut pullali. E shaloj Rrugës Grykës
Kaçanikut, ku Stërgjyshi bëri Luftë me thika.
Ikë, në Prishtinë. Jetë, studentore. Nate:
I përgëzoj, Gratë e mia besnike, në Prishtinë.
E, kaloj NatëMadhen, në Prishtinë. Kryeqytet
Ditën, e Nesërme me Poetin Gani Xhafolli:
Edhe, Dita me Diell më gjen në “Milenium”.
Dy Cuca, herët rrinë në tavolinë. Përkarshi.
Njëra, çohet, dhe i thotë Gani Xhafollit:
Gani mos thuaj, se: ky është Kalosh Ҫeliku?!
Po. Përgjigjet, G. Xh: është, Kalosh Ҫeliku
Mirë, Gani! Qe, sa kohë të lutem! Njohtosh:
Me Kalosh Ҫelikun! Librin, “Loja e Syve?!
Erdhi, Dita: po të njohtoj me Kalosh Ҫelikun
Është Ujku i maleve. Dhiareve Ҫelvjollcës.
Që, pasmesnate zbret nga Malet. E, Ditën:
I Hanë, Cucat azgane. Dhe, poezitë erotike…
Zogu në dorë
Herët, në mëngjes. Shtrat pa lindë Dielli
Në katin e poshtëm. Perdhesë. Shtëpisë:
Pas sulmit në tru, nga Qeni kojshive
E gjeta djalin e vogël pa shenja jete?!
Shpejtë e thirra ndihmën e shpejtë
Dhe, me tezgere e dërguam në spital.
Një muaj nateditë pa kokë në spital
Muaj tjerë meTerapi fizikale në “Kozle”.
Probleme pandemie. Shëndeti. Jete
Koronavirusi, “armik” ende i pabesë.
Pas një muaj doli nga Toksiologjia
Në gjendje të palëvizshme. Sakat.
E mora në shtëpi. Përkujdesje rehatie
Një muaj plot, lyerje me marmaladë:
Qershafë, duke larë përditë. Pelena.
Pasmesnate, sa herë hyja në dhomë
Djali më priste me dorën lartë:
Sonte, babi e kam rrokur një zog!
Përpak, desh u çmenda. Shpërtheja:
Magar, nuk ke rrokur një zog
Po, e ke rrokur një rrum muti:
Pse, nuk e ke rrokur një pulë?!
E shpëtuam nga vdekja. Zogu në dorë…
Partitë politike më të rrezikshme
se Koronavirusi politik
Amani! Nesër, mos thuani për Mua
Se: Iku, nga Koronavirusi. “Armik”.
I padukshëm. Vdekjeprurës. Ushtri
Se: U trembë. Nuk pati vargje lufte.
Sot, të dali në dyluftim me Penë
Aspak, nuk është e vërtetë politike.
Nëse, kam ikur nga kjo botë tinzare
Kam ikur nga Partitë politike. Miqtë.
Më të rrezikshëm, se: Koronavirusi…
Edhe shpëtova Veten nga Gratë
dhe Poezitë Erotike
Edhe, shpëtova Veten nga Gratë Besnike:
Poezia, Erotike. Kishin qenë xheloze.
Përpak, desh më vranë te “Parku i Grave”
Thanë: Ti, na ke tredhtuar, o burrë
Me, ato Gratë e tua Besnike. Partinë.
Vështirë, e pata me Gratë besnike
Edhe, me Poezinë. Gruan xheloze…
(Përpak më vrau Rakia e rrushit
dhe pizia erotike e Hojdodoles)
Rakia e rrushit. Pizia. Dy shtama verë
Përpak, më vranë në Kohë Pandemie.
Gra Besnike, me të cilat e kaloja Natën
Ditën, te “Parku i Grave”, në Shkup.
Hojdodolja, grua xheloze me pizi
Edhe, pse: Unë, i dhash shpirt. Letërsi.
Shkaku, Grave të mia besnike. Poezi
U ndërsye pas meje si Poet shqiptar.
Edhe, përpak më vranë. Varrosën:
Siç, e thotë Noli Madh: “arratisur
Sakatosur. As, i gjallë. As, i varrosur”.
Përpak më vranë Gratë e mia besnike
Rakia e rrushit. Pizia. Dhe, Hojdodolja…
Herët në mëngjes
Ditën marr Grua
Gjithë Natën me Errësirën
Pa drita. Pa raki rrushi. Verë.
Vetëm me Ditën. Errësirë
Nuk më lente rehat Rrugaçja.
Herët, në mëmgjes doli Drita
Rrugaçen do ta marr për Grua!
Shkaku, se: Erdhi në Errësirë
Lindi Dita. Dhe, bënte Dritë:
Xixëllojë Nate, në Errësirë.
Iku me Hënën e plotë. Mal
E, më la me Ëndrrën, Diellin.
Dy shtamat me verë të Mikes Di
Dhe, rakinë e rrushit në Errësirë…
Poezitë mia mes varreve
Sot i lexojnë të vdekurit
Poezitë e mia mes varreve
Rrëzë Ҁuke. Majë Lisave:
Sot, i lexojnë të vdekurit.
Shkaku, se: të gjallët
Nuk dinë shkrim-lexim…
Kalosh Ҁeliku nuk ikë
nga Shkupi Historik
Edhe, pas gjithë presioneve politike
Që, të ikë nga Shkupi Historik:
E dogjët, natën banesën në “Ҁair”
“Xhipin” para dritareve mesnate.
Shtëpinë e Gruas, në “Serovë”
Helmimeve. Presioneve Ҁarshisë.
Kotë e keni dudumë “harami”! Sot:
Kalosh Ҁeliku, s’është Hojdodolja.
Nuk ikë. Jo, nga Shkupi Historik…
(Nga Libri me poezi: BURRI I TRI GRAVE, që
së shpejti pritet të dalë në dritë…)
